Ինչպես է թվային միջավայրը փոխել լրագրությունը, ինչ մարտահրավերներն են բերում նոր տեխնոլոգիաները, զարգացող ինտերնետն ու անընդհատ փոխակերպվող սոցիալական ցանցերը խմբագրությունների համար:
Թվային միջավայրում մեդիա բովանդակությունը քննարկելու հնարավորություն ընձեռեց «Թվապատում 2015» մեդիա կոնֆերանսը, որն անցկացվեց մայիսի 28- 29-ը Հայաստանի ամերիկյան համալսարանում:
Նման հարթակ ստեղծելով` կոնֆերանսի կազմակերպիչ Մեդիա նախաձեռնությունների կենտրոնը առաջին հերթին նպատակ ունի ոգեշնչել մեդիադաշտի ներկայացուցիչներին:

Կոնֆերանսին հյուրընկալված միջազգային ու տեղացի 16 մասնագետները զեկույցների և գործնական սեմինարների միջոցով ներկայացրին լրագրողական նոր ձևաչափերը, գործիքները, մեդիա ոլորտում թվային տեխնոլոգիաների կիրառման փորձը, տեղեկատվության տարածման նոր հարթակներն ու լսարանի հետ հաղորդակցման ժամանակակից ձևերը։

նպատակ ունի ներկայացնելու թվային միջավայրերում լրագրողական բովանդակության ստեղծման ժամանակակից փորձը, ձեռքբերումներն ու միտումները միջազգային ու տեղական մեդիա դաշտում

բաց է լրագրողների, մեդիա կազմակերպությունների, հաղորդակցման մասնագետների, ուսանողների, մեդիայում նոր գաղափարներ առաջարկողների և որոնողների համար